الجرعات الدوائية فى الروشتات للمبتدئين

Posted by Unknown at 1:41 PM 0 comments
بسم الله الرحمن الرحيم
بص يادكتور ضرورى جدا انك تعرف اختصار الجرعات عشان تدى الدواء للمريض وانت مطمن وعارف
عندك مثلا : 1x1x4 يعنى برشامه واحده كل 24 ساعة لمدة اربعة ايام
عندك: 1x2x5 يعنى برشامه كل 12 ساعة لمدة خمس ايام
عندك:2x3x7 يعنى برشامتين كل 8 ساعات لمدة اسبوع
عندك:1/2x4x30 يعنى نص برشامة كل 6 ساعات لمدة شهر
ولو لقيت جنب الدواء كلمة"sos"معناها عند اللزوم
يارب اكون وفقت فى حاجه بسيطه بس مهمه جدا والله
www.elnasbook.blogspot.com

تعرف هتتصرف ازاى لو حصل ده؟

Posted by Unknown at 10:43 AM 0 comments
بسم الله الرحمن الرحيم
هنتكلم النهارده عن التصرف فى الصيدليه فى حال استشارتك فى حاجه بسيطه او كبيره
الموضوع مهم جدا وانا اول منزلت الصيدلية كان بيجيلى حالات مكنتش بعرف اديها ايه !
وحالات تانيه كنت ببقى عارف بس خايف بصراحه فلقيت ان يكون ده موضوعنا النهاردة وانا هكتب حالة وكل اللى عارف حالة يشارك بيها حتى تعم الفائدة على الكل
بسم الله توكلنا على الله
جالى اب وقال: يادكتور ابنى الاول "اكبر من شهرين واقل من 6 شهور " والتانى " من 6 شهور واقل من سنة "والثالث "اكبر من سنة واقل من سنتين
عندهم كحة وجسمهم سخن وانا مش عاوز اوديه لدكتور اديله ايه ؟
تشتغل الجمجمة على طول وتقولك" بما ان فى حرارة يبقى فى infection وبوجود الكحة يبقى العدوى فى الجهاز التنفسى
ومضاد حيوى مناسب لعدوى الجهاز التنفسى مثلا "amoxycillin"
اولا : الطفل اللى عمره اقل من 6 شهور
هيكون كذلك
3 سم 3 مرات فى اليوم لمدة اسبوع
ثانيا : الطفل اللى اقل من سنة
4 سم 3 مرات فى اليوم لمدة اسبوع من "amoxil forte"
ثالثا : الطفل اللى اقل من سنتين
هياخد
"ibiamox400mg"
4 سم 3 مرات فى اليوم لمدة اسبوع
والبنسبة للحرارة ممكن ندلهم " paracetamol syp 120 mg "
الاول : نصف معلقة صغيرة 3 مرات فى اليوم
التانى : معلقة صغيرة 3 مرات فى اليوم
الثالث : معلقة ونص صغيرة 3 مرات فى اليوم
واذا كانت الحرارة عالية ممكن نكمله بلبوس 'diclofenac 12.5-25 "
الاول : نصف لبوس 12.5
الثانى : لبوسه 12.5
الثالث : لبوسه 25
وممكن تديلهم دواء كحة زى "babe ton syp "
نص معلقة صغيرة 3 مرات فى فى اليوم للاول
معلقة صغيرة 3 مرات فى اليوم للثانى
معلقتين صغيرين 3 مرات فى اليوم للثالث
رجاء المشاركة بحالة بسيطة او كبيرة والتعديل لو فى حاجة غلط
www.elnasbook.blogspot.com


Elnasbook © 2008 | تصميم وتطوير مدونه الدكتور تى فى